Koronavirusa yoluxmaların artması nefti cüzi ucuzlaşdırıb


Koronavirusa yoluxmaların artımı fonunda neft tələbatının bərpasına dair yaranmış şübhələr dünya bazarında bu gün səhər saatlarında neftin qiymətinin cüzi ucuşlaşmasına səbəb olub.

Muğan TV “Prime” agentliyinə istinadən xəbər verir ki, Bakı vaxtı ilə saat 08:33-də Şimal dənizində hasil olunan “Brent” neftinin iyul fyuçersləri 0,34%, iyun fyuçersləri isə 0,39% ucuzlaşaraq bir bareli müvafiq olaraq 65,2 və 65,85 ABŞ dollarına satılıb.

Bu arada WTI neftinin iyun fyuçerslərinin qiyməti 0,26% azalaraq 61,98 dollar təşkil edib.

Koronavirusla bağlı vəziyyət neftin qiymətinə təsir göstərməyə davam edir. Hindistan və Yaponiya kimi ölkələrdə yoluxmaların sayı artmaqdadır. Bu isə yeni karantin qadağaları səbəbi ilə neft tələbatının bərpasına təhdidlər yaradır.

Xatırladaq ki, aprelin 28-də “OPEC+” iclası keçiriləcək. Rusiya Baş nazirinin müavini Aleksandr Novak bu barədə jurnalistlərə açıqlamasında bildirib ki, iclasın əsasən neft bazarındakı vəziyyəti təhlil edəcək.